الأبيات اعجبتني صراحه وتحكي واقعي انا وغيري بها البلد. وحبيت اطرحها لكم .
يقولـــــكم .....

يافقر قلي ويش تبي من ورانا
زود على فقر الدراهم فقر دم
ماحاشت ايدانا غدابه عطانا
تبذل ولا نحسب ايدينا عطت كم
ولابه رصيد عندنا من بدانا
الا الفعول الطيبه وخشية الذم
ولو ان تسلف للغداء مع عشانا
نصبر ولو أحوالنا كلها هم
والضيف ليا منه لفانا وجانا
نفرح به ويبشر بالكرامه ويكرم
بالدين والا بالسلف من حدانا
ويروح مبسوطن وبالذكر نغنم
في عيالنا نزرع عوايد ابانا
نبقا ونحيا مابقينا ونسلم
يافقر لو يظلم علينا سمانا
رجولنا بالجود والطيب يهتم
البخل ينبذ مايجي في نحانا
والجود نسعى له وبالخير يقدم
يافقر لو بالجور همك وطانا
وهاماتنا ماتنثني لك نكرم
نشوم عن فعل الردا والهوانا
ونروم لفعول تنومس بني عم
وليا محنا الوقت منه خذانا
الطيب والشيمه ومع الحزم نحلم
يافقر بالله لاتزود عنانا
ارحل لعل من الغنا الحال ينعم
مدامن بالعمر ونمشي أخطانا
وليا رحلنا عند الارض به عم
..

منقـوولـــــةة ،

جزاك الله كل خير _شكرا