السلام عليكم

انا استاهل براءة اختراع يا جماعة على الموضوع ده

عشان والله الذى لا اله الا هو
ده خلاصة تجاربى الخاصة اللى فشل منها كتيييييييير

و اخيرا نجحت النهاردة

و عملت زبادى بالفواكه زى الجاهز


السر ايه بقى

مش انك تحطى فاكهة
نو
نو

ولا تحطى مربى

نو برضو

هما بيحطوا حاجة احنا مش حانعرف نوصلها حتى لو مشينا على ايدينا و رجلينا


طييييييييييب


انا بقى جبت الزبادى بتاعهم و بدل ما اعمل الزبادى بتاعى عادى بخميرة عادية (اللى هى علبة زبادى سادة)

لأ عملتها بزبادى فواكه جاهز ههههههههههههههه


اه والله هى دى التريكة اللى فى الموضوع كله

بصوا بقى

حاتجيبى كيلو لبن و تغليه
يديكى 8 اكواب سعة 125 جرام



لما يهدى اللبن يعنى يبقى دافى جدا و لكن مش مولع و سخن نار عشان الزبادى حايبوظ لو اللبن كان سخن مولع


تدوبى فيه عدد اتنين علبة زبادى بالفاكهة النكهة اللى تحبيها



و تدوبى كمان عدد 16 معلقة صغيرة سكر

يعنى بمعدل معلقتين لكل كوب

و تصبيهم فى اكواب ماكينة الزبادى




و تغلقى الماكينة و تفتحى عليها بعد 6 ساعات
تاخدى الأكواب تغطيها و تحطيها فى التلاجة


و لما تبرد كلى و ادعيلى





و طبعا لو عايزة بعد كده زبادو

اضربيه فى الخلاط و ممكن تضيفى ربع كوب حليب عشان لو مش بتحبيه كثيف اوى


يعنى من الآخر
عملتلكم زبادى فواكه و زبادو
2 * 1



اللى مش حاتقيم حاوريها شغلها


ارجو ان يكون وقتى و جهدى علم ينتفع به


.......
hamada_nar

شكراوجزاك الله خيرا