القسم الأجتماعي

الأربعاء يونيو 20, 2012 12:19 am

السلام عليكم
مساء / صباح الخير
اليوم جيتكم بطبخه حلوه وان شاء الله تعجبكم
ومعزم اقفل كل المطاعم واسحب الشهره منهم
انا اي شي يركب براسي اسويه
اليوم مسوي لكم (( فلافل )) عندنا بااهل الشرقيه
وطعميه (( عند الغربيه وضواحيها

المقادير:

3 كاس بليله (( حمص ))
كاس بقدونس
كاس كزبره
نص كاس شبث
ملح
كمون
بصله متوسطه موثانويه

طريقة العمل
1-بالاول قبل مانشرع في عمل الفلافل لابد من تنقيع الحمص بجدر من الليل
ليله كامله خلوه ينقع صح .

2-بعد ماينقع البليله نضع المقادير جميعها مع بعض عدا الكمون والملح سنضعهم لاحقآ

3- نخلط جميع المقادير بالخلاط جيدآ ويستحسن يكون الخلاط حق اللحم علشان ينخلط مضبوط

4-بعد ماانخلطت المقادير جيدآ مع بعضها نضع الكمون والملح ونخلط المقادير مره اخرى جيدآ
حتى تنسجم مع بعضها البعض

5-وبعدها سنحصل على خلطة الفلافل ولابد من وضع بكنج بودر على الخلطه حتى تسمن عند الغلي

6- نعمل الفلافل بااي شكل يعجبنا الاهم الطعم مو الشكل ومومهم الشكل وش الفايده من برا هالله هالله ومن داخل يعلم الله

وبعدها نضع الزيت حتى منتصف الليل قصدي المغلى ونضع الفلافل

اخيرآ تذوقوا الطعم وانتم الحكم

طبعى احلى شي مع الببسي بس مافي ثلاجتنا ببسي كنت مخمن عليه لكن مدري من اشربه

لاتفوتكم فلقت حبه فلافل

وازيدكم من الشعر بيت باقي جزء من الحمص وشغلت النار عليه حتى يلين راسه واكل احلى بليله

تحياتي hamada_nar فلافل طعميه من صنعي 4045439445